काठमाडौं– अभिनेता विराज भट्ट र उनका छोरा समीरको मुख्य अभिनय रहेको फिल्मको ‘१२ गाउँ’ फस्ट लुक पोस्टर सार्वजनिक भएको छ । जसमा फिल्मको प्रदर्शन मिति यही दसैँलाई तोकिएको छ ।
पोस्टरमा समीर ‘एङ्ग्री’ युवाको भूमिकामा देखिएका छन् । उनले देब्रे हातमा खुकुरी बोकेका छन् । उनको यो डेब्यू फिल्म बन्ने पक्का भएको छ । निर्देशक विराजका अनुसार नेपालमा फिल्मको छायांकन पूरा भएको छ । एक एक्सन दृश्यको छायांकन भारतको मुम्बईमा गर्नु पर्ने भएकाले अबको १० दिनमा सम्पूर्ण छायांकन सकिने उनको भनाइ छ ।
यो फिल्ममा एक्सन-थ्रिलर जनरामा आधारित छ । यसैबाट अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले पनि डेव्यु गर्दै छन् । उनीहरूसहित बिराज, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु),लगायतको अभिनय रहने बताइएको छ ।
बिराज भट्ट फिल्म पोडक्सन प्रस्तुतिमा निर्माण भएको यस फिल्मको कथा हो भने सन्तोष सरकारको पटकथा तथा संवाद लेखन रहेको छ ।
