![सिंगापुरमा १६ प्रजातिका कीरालाई मानव खाद्यका रूपमा प्रयोग गर्न स्वीकृति](https://sagarmatha.tv/wp-content/uploads/2024/07/singapore_city_YdEQ4ppczQ-1024x576.webp)
सिङ्गापुरको खाद्य नियामक निकाय (एसएफए) ले करिब १६ प्रजातिका कीरालाई मानव खाद्यका रूपमा प्रयोग गर्न स्वीकृति दिएको छ ।
बहुप्रतिक्षित घोषणा सिङ्गापुरमा चीन, थाइल्याण्ड र भियतनाममा पाइने कीराको आपूर्ति र पालनपोषण गर्ने उद्योगका लागि राम्रो समाचार रहेको ‘द स्ट्रेट टाइम्स अखबार’ ले उल्लेख गरेको छ । खानाको लागि स्वीकार गरिएका किराहरूमा फट्याङ्ग्रा, सलह, खाने कीरा र विभिन्न प्रजातिका रेशमकीराहरूलाई राखिएको छ । सिंगापुर फुड एजेन्सी (एसएफए) ले मानव उपभोग वा पशुधनको दानाको लागि कीराहरू आयात गर्न वा पालन गर्न चाहनेहरूले गाइडलाइन भने पालना गर्नुपर्ने छ ।
संयुक्त राष्ट्रको खाद्य र कृषि संगठनले कीराहरूलाई मासुको विकल्पको रूपमा मान्दछ, किनभने तिनीहरूमा प्रोटिन उच्च हुन्छ ।