राशिफलः तपाईंको आजको दिन कस्तो रहनेछ ?

मेषः भ्रमणको अवसर प्राप्त हुनेछ। नयाँ ठाउँको भ्रमणले मनमा शान्ति मिल्नेछ। प्राविधिक क्षेत्रको लगानीबाट फाइदा हुनेछ। लामो समय रोकिएको काम बन्ने योग छ। परिवारको साथले मनमा उत्साह बढ्नेछ।

वृषः प्रेम सम्बन्ध सुमधुर बन्नेछ। व्यवहारमा देखिएको समस्याको समाधान हुनेछ। राजनीतिक क्षेत्रमा उत्साह मिल्नेछ। सामाजिक र धार्मिक क्षेत्रमा तपाईंको प्रशंसा हुनेछ। शिक्षा क्षेत्रको लगानीबाट प्रगति हुने योग छ।

मिथुनः मन चञ्चल हुनेछ। हैसियत बिर्सिएमा पश्चाताप हुनसक्छ। ठुलो लगानी गर्नु भन्दा भएको सम्पत्तिको सुरक्षा गर्नु राम्रो हुन्छ। धेरैले निगरानी गरिरहेकाले बोल्नु अगाडि सोच्नुपर्ने छ। संकटमा परिवारको साथ मिल्नेछ।

कर्कटः तपाईंको कामको प्रशंसा हुनेछ। मन शान्त बन्नेछ। शिक्षामा गरेको लगानीबाट सफलता मिल्नेछ। पश्चिमको यात्रा नगर्नु राम्रो हुन्छ। परिवारको रचनात्मक सहयोगले दिन रमाइलो हुनेछ।

सिंहः नयाँ ठाउँको यात्रा गर्ने योग छ। यात्रामा महत्त्वपूर्णा वस्तु हराउने जोखिम रहेकाले सचेत बन्नुपर्ने देखिन्छ। तपाईंको काममा प्रश्न गर्ने साथीहरु सक्रिय भएकाले काम गर्दा सचेत बन्नुपर्ने छ। धैर्य भएर अगाडि बढेमा दिन सफल बन्नेछ।

कन्याः तपाईंले सुरुवात गरेका हरेक काममा सफलता मिल्नेछ। आर्थिक र सामाजिक क्षेत्रमा ठुलो उन्नति हुने दिन छ। साथीको उचित सल्लाहले महत्त्वपूर्ण काम बन्नेछ। धार्मिक व्यक्तिसँग भेट हुनेछ। चिट्ठा पर्ने योग छ। परिवारसँगको प्रेम सम्बन्ध सुमधुर बन्नेछ।

तुलाः दिन सामान्य छ। हाकिमले तपाईंको कमजोरी खोज्ने छन्। काम गर्दा सचेत बन्नुपर्नेछ। तपाईंको राम्रो कामको खोजी गर्ने भन्दा कुरा काट्ने साथी सक्रिय देखिन्छन्। प्रेममा धोका हुने जोखिम छ। संकटमा परिवारले भने साथ दिनेछ।

वृश्चिकः कठिन ठानेका काम सहजै बन्नेछन्। सचेत भएर गरेको काम सफल बन्नेछ। माया र प्रेममा शंका बढ्ने योग छ। लामो समयदेखि रोकिएका काम सहजै बन्नेछन्। मनमा आउने नकारात्मक भावलाई रोक्न सके सफलता मिल्नेछ।

धनुः दिन रमाइलो छ। धेरै ग्रह सकारात्मक भएकाले अवसरलाई सदुपयोग गर्नुपर्नेछ। शिक्षामा सफलता मिल्नेछ। सामाजिक र राजनीतिक क्षेत्रमा सम्मान प्राप्त हुनेछ। हरेक क्षेत्रमा परिवारले साथ दिनेछ। प्रेममा सफलता हात लाग्नेछ।

मकरः समस्यासँग नडराई समाधान खोज्नुपर्ने दिन छ। चुनौतीको सामना गरेर अगाडि बढेमा दैनिकी रमाइलो हुनेछ। सामाजिक सेवाको अवसर प्राप्त हुनेछ। साथ दिने संख्या ठुलो भएकाले लगानीमा हिम्मत गनुपर्ने देखिन्छ।

कुम्भः तपाईंको मध्य साढेसाती दशा चल्दैछ । ठुलो क्षेत्रमा लगानी नगर्नु राम्रो हुन्छ। लगानी गर्नु नै पर्ने भए जन्मकुण्डली देखाएर निर्णय लिनु बुद्धिमानी हुन्छ। पिपलको रुखको दर्शन मात्र गरेमा मन शान्त हुनेछ। धार्मिक कार्यमा सहभागी भए दिन उत्साहपूर्ण बन्नेछ।

मीनः दिन रमाइलो छ। तपाईंका लागि आजको दिन अनुकुल देखिन्छ। नियमित गर्दै आएको कामको प्रशंसा हुनेछ। नसोची बोल्ने बानीले समस्या पर्ने भएकाले बोल्दा ख्याल गर्नु राम्रो हुन्छ। परिवारको सहयोगले महत्त्वपूर्ण काम बन्नेछ। प्रेम सम्बन्ध सुमधुर बन्नेछ।