रूपन्देही । रूपन्देहीमा आमाछोरा सवार स्कुटर दुर्घटनामा छोराको मृत्यु भएको छ।

सोमबार बिहान स्कुटरमा आमासँगै मन्दिर दर्शनका लागि गएका बुटवल–१३ बेलबासका २३ वर्षीय अंकित पाठकको मोटरसाइकलको ठक्करबाट मृत्यु भएको हो।

दुर्घटनामा परी गम्भीर घाइते भएकी अंकितकी आमा ४३ वर्षीय गौमुखीको लुम्बिनी प्रादेशिक अस्पतालको सघन उपचार कक्षमा उपचार भइरहेको प्रहरीले जनाएको छ।

बुटवलको बेलबासमा अंकितले चलाएको लु ८५ प ३१३३ नम्बरको स्कुटरलाई कपिलवस्तुका सागर थारूले चलाएको लु १९ प ८८७५ नम्बरको मोटरसाइकलले ठक्कर दिएको हो।

ठक्करबाट गम्भीर घाइते भएका अंकितको उपचारकै क्रममा मृत्यु भएको हो। अर्का मोटरसाइकल चालक सागर पनि घाइते छन्। उनको पनि लुम्बिनी प्रादेशिक अस्पताल बुटवलमा उपचार भइरहेको छ।