काठमाडौं । रुसी सेनाले मंगलबार देशका नौ स्थानमा १४४ युक्रेनी ड्रोन नष्ट गरेको छ । रुसी रक्षा मन्त्रालयले ब्रायनस्क क्षेत्रमा ७२, मस्को क्षेत्रमा २० र रुसको कुस्र्क क्षेत्रमा १४ वटा ड्रोन नष्ट गरिएको जनाएको छ ।
मस्को क्षेत्रका गभर्नर एन्ड्री वोरोबाइभका अनुसार रातारात मस्को क्षेत्रको रामेन्सकोये जिल्लाका अपार्टमेन्ट भवनहरू ड्रोन आक्रमणका कारण क्षतिग्रस्त भएको थियो । प्रारम्भिक जानकारी अनुसार एक महिलाको मृत्यु भएको छ । तीनजनालाई अस्पतालमा भर्ना गरिएको छ ।
४३ जनालाई अस्थायी आवास केन्द्रमा राखिएको छ । रक्षा मन्त्रालयले तुला क्षेत्रमा १३, बेल्गोरोड क्षेत्रमा आठ, कालुगा क्षेत्रमा सात, भोरोनेज क्षेत्रमा पाँच, लिपेत्स्क क्षेत्रमा चार र ओरियोल क्षेत्रमा एउटा ड्रोन नष्ट भएको जनाएको छ ।
