ललितपुरको मितेरी सहकारीको रकम हिनामिना प्रकरणमा मुछिएका नेपाली कांग्रेसका उपसभापति धनराज गुरुङसँग प्रहरीको केन्द्रीय अनुसन्धान ब्युरो सीआईबीले बयान लिएको छ । बुधबार सीआईबीमा बोलाएर बिहानैदेखि बयान लिएर कागज गरेको प्रवक्ता होबिन्द्र बोगटीको भनाइ छ ।

उनले भने, ‘लामो बयान लिएका छौँ । उहाँले सहज रूपमा बयान दिनुभएको छ ।’

सीआईबीमा मितेरी अध्यक्ष कुम्भराज गुरुङले १२ करोड २० लाख रुपैयाँ ज्योति गुरुङले महाप्रबन्धकको जिम्मेवारीमा हुँदा हिनामिना गरेको उजुरी गरेका थिए । अहिलेसम्म त्यसको सावाँ ब्याज हिसाब गर्दा १४ करोड ८१ लाख ७२ हजार रुपैयाँ पुगेको भन्दै कुम्भराज गुरुङले सीआईबीमा कागजात पनि बुझाएका छन् ।

सहकारी प्रकरणमा धनराजबारे निरन्तर अनुसन्धान, अहिलेसम्म प्रमाण भेटिएन

सीआईबी प्रवक्ता बोगटीले  भने, ‘हामीले कुम्भराज जी ले बुझाउनुभएको प्रमाण, सहकारीका कागज, संसदीय समितिले तयार पारेको प्रतिवेदन र अन्य सबुतलाई केलाएर आज दिनभर बयान लिएर कागज गरेका छौँ’

धनराजको संम्लगनता देखियो त रु भन्ने प्रश्नमा बोगटीले भने, ‘बयान लिइएको छ, अन्य कुराहरू हामी अनुसन्धानमै छौँ ।’

पूर्वपत्नी ज्योति गुरुङले रकम अपचलन गरेको खुलेपछि धनराजको पनि संलग्नता भएको आरोप छ । यस्तै धनराज र श्रीमती मिलेर सहकारीको रकम हिनामिना गरेपछि काजजी डिभोर्स गरेको मितेरी सहकारी सञ्चालक तथा प्रतिपक्षी दल राष्ट्रिय स्वतन्त्र पार्टी, नेकपा माओवादी केन्द्र र राष्ट्रिय प्रजातन्त्र पार्टीले लगाइरहेका छन् ।