वेस्ट इण्डिजका महान क्रिकेटर ब्रायन लारा नेपाल प्रिमियर लिग (एनपिएल) हेर्न कीर्तिपुरस्थित त्रिवि अन्तर्राष्ट्रिय मैदानमा पुगेका छन् । उनले शनिबार काठमाडौं गुर्खाज र पोखरा एभेन्जर्स तथा चितवन राइनोज र जनकपुर बोल्ट्सबीचको खेल हेरेका हुन् । त्यसक्रममा लाराले कमेन्ट्री पनि गरेका छन् । पहिलो खेल सकिएपछि उनी मैदानमा पुगे ।

वेस्ट इण्डिजका पूर्वकप्तान लारा आइतबार नेपाल आइपुगेका थिए । उनी क्रिकेटमा सर्वाधिक सफल खेलाडीको सूचीमा पर्छन् । लाराले वेस्ट इण्डिजका लागि १३१ टेस्टमा करिब १२ हजार रन बनाएका छन् ।

यस्तै, २९९ ओडिआईमा उनले १० हजारभन्दा बढी रन बनाएका छन् । क्रिकेटमा लाराको नाममा कयौँ कीर्तिमान छन् । तिनै लेजेन्डरी क्रिकेटर लाराको नेपाल आगमनले एनपिएलले थप चर्चा पाएको छ ।