काठमाडौं। नेपाल प्रिमियर लिग (एनपीएल) मा कर्णाली याक्सले चितवन राइनोजलाई १७६ रनको लक्ष्य दिएको छ । टस हारेर पहिले ब्याटिङ गरेको कर्णालीले निर्धारित २० ओभरमा ६ विकेटको क्षतिमा १७५ रन बनाएको हो ।
कर्णालीका लागि जयकिसन कोल्सावाला र विलियम बोसिस्टोले अर्धशतक बनाए । कोल्सावालाले ३९ बलमा ५३ रन बनाउँदा बोसिस्टोले ३९ बलमा ५२ रन बनाए । यस्तै, चाडविक वाल्टनले अविजित ४६ रन बनाए ।
बलिङतर्फ चितवनका सोहेल तन्विरले दुई विकेट लिए । शरद भेषवाकर, रवि बोपारा र कुशल मल्लले समान एक विकेट लिए ।
