काठमाडौं। प्रधानमन्त्री केपी शर्मा ओलीले प्रतिनिधिसभाका पूर्वसभामुख दमनदाथ ढुंगानालाई राष्ट्रिय सम्मानका साथ श्रद्धाञ्जली दिएका छन् । प्रधानमन्त्री ओलीले दिवंगत पूर्वसभामुख ढुंगानाको पार्थीव शरीरमा राष्ट्रिय झण्डा ओढाइ अन्तिम सम्मान गरेका हुन् ।
ढुंगानालाई श्रद्धाञ्जली दिन आज उनको पार्थीव शरीरलाई सानो गौचरणमा राखिएको थियो । ढुंगानालाई सानोगौचरण पुगेर नेपाली कांग्रेसका सभापति एवं पूर्वप्रधानमन्त्री शेरबहादुर देउवा, माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल, पूर्वप्रधानमन्त्री डा. बाबुराम भट्टराई लगायतका नेताहरुले श्रद्धाञ्जली अर्पण गरेका थिए ।
श्रद्धाञ्जली अपर्णको क्रम सकिएपछि दिवंगत ढुंगानाको पार्थिव शरीरलाई अन्तिम संस्कारका लागि पशुतपि आर्यघाट लगिएको छ । उनलाई आजै पशुपति आर्यघाटमा दाहसंस्कार गरिनेछ ।
