काठमाडौं– श्रमजीवीमाथि हुने गरेको अन्याय–अत्याचारविरुद्ध काठमाडौँमा रातो घेरा कोरौँ भन्ने नारासहित र्यालीको आयोजना गरिएको छ ।
नेपाल ट्रेड युनियन महासंघ (जिफन्ट)को आयोजनामा शनिबार काठमाडौँको भृकुटीमण्डपबाट र्यालीको आयोजना गरिएको हो ।
असमानताको विरुद्ध रातो घेरा कोरौँ भन्ने नारा सहित विश्वव्यापी कार्यक्रम अन्तर्गत नेपालमा पनि र्यालीको आयोजना गरिएको जिफन्टका अध्यक्ष विनोद श्रेष्ठले जानकारी दिए ।
विश्वमा १ प्रतिशत धनाढ्यहरू श्रमिकहरूप्रति असमान व्यवहार गर्ने गरेको भन्दै उनले त्यसलाई अन्त्य गर्नका लागि रातो घेरा अभियान चलाइएको बताए ।
र्यालीमा सहभागी भएकाहरूले जिउन पुग्ने ज्याला व्यवस्था गर, गरिब श्रमिकलाई हैन धनाढ्यलाई कर लगाऊ, हामी ९९ प्रतिशत हौ, हाम्रो कुरा सुन लगायतका प्लेकार्ड प्रदर्शन गरेका थिए ।
सम्बन्धित समाचार
लोकप्रिय समाचार
