नेपाल क्रिकेट संघ (क्यान)ले आईसीसी विश्वकप लिग–२ अन्तर्गतको सिरिजका लागि दोस्रो चरणको बन्द प्रशिक्षणका लागि २५ सदस्यीय टोली घोषणा गरेको छ ।
आउँदो जेठमा स्कटल्यान्डमा हुने सिरिजका लागि २५ खेलाडीलाई बन्द प्रशिक्षणमा बोलाएको हो । २५ खेलाडीको सूचीमा कुशल मल्ल परेका छैनन् । पछिल्लो समय खराब लयमा रहेका मल्लले स्कटल्यान्ड सिरिज गुमाउने छन् ।
युवराज खत्री, शुभ कंशाकार, किरण ठगुन्ना, नन्दन यादव जस्ता युवा खेलाडीले भने दोस्रो चरणको क्याम्पका मौका पाएका छन् ।
