प्रतिनिधिसभाले पनि भारतको कलिङ्गा इन्स्टिच्युट अफ टेक्नोलोजी (केआईआईटी) मा अध्ययनरत छात्रा प्रिसा साहको शङ्कास्पद मृत्यु प्रकरणबारे छानबिनका लागि पहल गर्न सरकारलाई निर्देशन दिएको छ । हिजो राष्ट्रियसभाले पनि यही विषयमा सरकारलाई निर्देशन दिएको थियो ।

प्रतिनिधिसभाको आजको बैठकमा सभामुख देवराज घिमिरेले प्रिसा साहको शङ्कास्पद मृत्यु प्रकरणबारे छानबिन र विदेशमा रहेका अरू नेपाली विद्यार्थीको सुरक्षा प्रत्याभूतिको व्यवस्था गर्न सरकारलाई निर्देशन दिनुभएको हो ।

सर्लाहीको कविलासी नगरपालिका वडा नम्बर ८ का श्यामप्रसाद साहकी २० वर्षीया छोरी प्रिसा अस्ति बिहीवार बेलुका केआईआईटीमा मृत फेला पर्नुभएको हो । त्यही कलेजमा यसअघि रुपन्देहीकी प्रकृति लम्साल पनि मृत भेटिनुभएको थियो ।