राशिफलः तपाईंको आजको दिन कस्तो रहनेछ ?

मेषः कृषिमा गरेको लगानीबाट फाइदा हुनेछ। प्रष्ट वक्ता बन्न सकेमा तपाईंको प्रगति हुनेछ। शिक्षामा गरेको लगानीबाट राम्रो आम्दानी हुनेछ। राज्यको तर्फबाट सेवाको अवसर मिल्नेछ।

वृषः अचानक खर्च बढ्नेछ। खानपानमा ख्याल नगर्दा स्वास्थ्यमा गढबढी हुनेछ। शिक्षामा गरेको प्रयास सफल बन्नेछ। विदेशको रमझमले मन आकर्षित हुनेछ। मेहनत गरेमा हरेक क्षेत्रमा सफलता मिल्ने देखिन्छ।

मिथुनः आम्दानी बढ्नेछ। बोलीमा सरस्वतीले बास गरेकाले बोलको कुरा कार्यान्वयन हुनेछ। थोरै बोलेर अगाडि बढ्नु राम्रो हुन्छ। छिमेकमा भइरहेको शुभकार्यले मनमा उत्साह थप्नेछ।

कर्कटः दिन सामान्य छ। साथीभाइले गरेको आलोचना सुन्नुपर्ने हुनसक्छ। शनिदेव अनुकल भए तपाईंले गरेको काम सफल बन्नेछ। संकटमा परिवारको साथ र सहयोग मिल्नेछ।

सिंहः दिन राम्रो छ। थोरै लगानी गरे पनि राम्रो आम्दानी हुने दिन छ। बौद्धिक व्यक्तिसँगको भेटले मन शान्त बन्नेछ। परिवारमा गोपनीयता भंग नगर्नु राम्रो हुनेछ। थोरै बोलेर अगाडि बढेमा दिन सहज बन्नेछ।

कन्याः कृषि र पशुपन्छीको क्षेत्रमा लगानी गरेको भए घाटा हुनेछ। दाजुभाइसँगको सहकार्यबाट फाइदा हुनेछ। रोगको उपचारकोक्रममा भए स्वास्थ्यमा सुधार हुनेछ। संकटमा परिवारको साथ मिल्नेछ। प्रेम सम्बन्ध सुमधुर बन्ने योग छ।

तुलाः परिवारको कुरा विश्वास गर्दा घाटा हुनसक्छ। विवेक प्रयोग गर्नु राम्रो हुनेछ। घरका मानिसले भन्दा बाहिरका व्यक्तिले सहयोग गर्नेछन्। शिक्षा र स्वास्थ्यमा गरेको लगानीबाट फाइदा हुनेछ।

वृश्चिकः थोरै बोलेर अगाडि बढ्नु राम्रो हुनेछ। खाने समयमा अप्रिय शब्द सुन्नुपर्ने बाध्यता हुनसक्छ। अढैया शनिदेवका कारण हुने यस्ता समस्याको समाधानका लागि बिहान उठेर गणेशको भजन सुन्नु राम्रो हुनेछ।

धनुः दिन राम्रो छ। बोलेको कुरा कार्यान्वयन हुनेछ। स्वास्थ्यमा सुधार हुने योग छ। तपाईंले सुरुवात गरेका हरेक काम बन्नेछन्। स्वदेशमा विभिन्न विकल्प देखेर मनमा खुशीयाली छाउनेछ। परिवारसँग बसेर रमाइलो गर्ने अवसर मिल्नेछ।

मकरः मन अशान्त हुनेछ। गुरुको साथ लिएर संकटलाई टार्न सकिनेछ। स्वास्थ्य क्षेत्रमा गरेको प्रयास सफल बन्नेछ। मिठो खान लोभ गर्दा रोगले सताउने जोखिम छ। धार्मिक व्यक्तिसँगको सल्लाहमा अगाडि बढ्नु राम्रो हुनेछ।

कुम्भः शास्त्रको अध्ययन गरेमा सफलता मिल्नेछ। मनलाई शान्त पार्न बिहान उठेर शिवको भजन सुनेमा फाइदा हुनेछ। स्वास्थ्यमा सुधार हुनेछ। प्रेम सम्बन्ध सुमधुर बन्ने योग रहेको छ।

मीनः दिन सामान्य राम्रो छ। शिक्षामा गरेको प्रयास सफल हुनेछ। परिवारको साथ मिल्नेछ। बोली र व्यवहारमा एकरुपता देखाएमा दिन सहज बन्नेछ। मन मिल्ने मान्छेसँग बसेर रमाइलो गर्ने अवसर मिल्नेछ।

– ज्योतिष पण्डित सूर्यनाथ लुइटेल