डोमिनिकन रिपब्लिकको राजधानी सान्टो डोमिङ्गोमा रहेको एक नाइटक्लबको छत भत्किँदा कम्तीमा ७९ जनाको मृत्यु भएको छ ।
दुर्घटनामा परि अन्य १ सय ५० जनाभन्दा बढी घाइते भएका छन । मृतकमा प्रान्तीय गभर्नर तथा पूर्वमेजर लिग बेसबल पिचर अक्टाभियो डोटेल पनि छन् । ५१ वर्षीय डोटेललाई भग्नावशेषबाट निकालेर अस्पताल लैजाँदै गर्दा बाटोमा मृत्यु भएको हो ।
अन्तर्राष्ट्रिय सञ्चार माधयमका अनुसार मंगलबार बिहान जेट सेट नाइटक्लबमा लोकप्रिय मेरेंगु गायक रुबी पेरेजको कन्सर्टका क्रममा दुर्घटना भएको हो ।
उद्धारकर्ताले अझै पनि जीवित व्यक्तिको खोजी जारी राखेका छन । मृतकको संख्या अझै बढ्ने आशंका रहेको समाचारमा उल्लेख छ ।
