काठमाडौँ । मोटरबाट पानी तान्ने क्रममा करेन्ट लाग्दा कैलाली र झापामा दुई जनाको मृत्यु भएको छ ।
कैलाली, धनगढी उपमहानगरपालिका-१९ फुलबारी बस्ने २५ वर्षीया विमला कुँवरको करेन्ट लागेर शुक्रबार दिउँसो मृत्यु भएको छ । आफ्नै घरमा पानी तान्ने विद्युतीय मोटरबाट करेन्ट लागेर गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो ।
झापा, कन्काई नगरपालिका-१ बस्ने ६६ वर्षीय तारा बहादुर विश्वकर्माको करेन्ट लागेर शनिबार बिहान मृत्यु भएको छ । आफ्नै घरमा पानी तान्ने विद्युतीय मोटरको तार जोड्ने क्रममा करेन्ट लागेर गम्भीर घाइते भएका उनको उपचारको लागि बिर्तासिटी अस्पतालतर्फ लैजाने क्रममा बाटोमै मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
सम्बन्धित समाचार
लोकप्रिय समाचार
