काठमाडौं– संयुक्त अरब इमिरेट्स (युएई) ले आफ्नो ‘वर्क फोर्स’ को तथ्याङ्क सार्वजनिक गरेको छ ।
सामाजिक सञ्जाल एक्समार्फत् अबुधाबी मिडिया कार्यालयले ‘सङ्ख्यामा अबुधाबी’ शृङ्खलाअन्तर्गत यो तथ्याङ्क सार्वजनिक गरेको हो । मिडिया कार्यालयले यो तथ्याङ्क पारम्परिक रुपबाट तेलबाट सञ्चालित अर्थव्यवस्थाबाट साथै विविधतापूर्ण ज्ञानमा आधारित अर्थव्यवस्थाबाट प्राप्त भएको उल्लेख छ । जसलाई ‘सफल परिवर्तन’ का रुपमा व्याख्या गरिएको छ । यो परिवर्तन प्रमुख रुपमा रणनीतिक लगानीको मुख्य क्षेत्रबाट प्राप्त भएको उल्लेख छ ।
कामदारको वृद्धिसँगै आंशिक रुपमा इमिरेट्सको जनसङ्ख्यामा ८३ प्रतिशतको वृद्धि भएको छ । यसबाहेक सन् २०११ र २०२३ को बीचमा गैर–तेल जीडीपीमा ५९ प्रतिशतको वृद्धि भएको छ । जुन वित्त, औद्योगिक, स्वास्थ्य सेवा र पर्यटनजस्ता क्षेत्रअन्तर्गत पर्छ । यसबीचमा बाह्य लगानीमा वृद्धि भएको छ । जसमा ३०० प्रतिशतको प्रभावशाली वृद्धि भएको देखाइएको छ ।
तथ्याङ्कअनुसार सेतो रङ्गका प्रशासकीय कामदारको सङ्ख्या १०९% ले वृद्धि भएको छ । निलो रङ्गका दक्ष कामदार को सङ्ख्या ६५% ले वृद्धि भएको छ ।
दक्ष कामदारका लागि तीव्र गतिका रुपमा अबुधाबी विश्वव्यापी हबका रुपमा विकास भइरहेको छ । सन् २०११ र २०२३ का बीचमा कामदारको सङ्ख्या ८२ प्रतिशतले वृद्धि हुँदा २५ लाख कामदार वृद्धि भएको अबुधाबीस्थित तथ्याङ्क केन्द्रले जनाएको छ ।
कुल कामदारमा सेतो रङ्गका प्रशासनिक कर्मचारीले ४६ प्रतिशत ओगटेको छ । यो वृद्धि जादुमयी तरिकाले १३ वर्षको अवधिमा १०९ प्रतिशतले वृद्धि भएको गल्फन्युजले लेखेको छ । त्यस्तै कुल कामदारमा दक्ष निलो रङ्गका कामदारले ५४ प्रतिशत हिस्सा ओगटेको छ । सन् २०११ र सन् २०२३ का बीचमा ६५ प्रतिशतले वृद्धि भएको हो ।
अब अबुधाबीले व्यवसाय र नवप्रवर्तनको लागि विश्वव्यापी केन्द्रका रुपमा आफूलाई स्थापित गरिरहेका बेला दक्ष प्रतिभाको आगमनले यसको आर्थिक गतिलाई कायम राख्न र भविष्यको वृद्धिलाई अगाडि बढाउन महत्त्वपूर्ण भूमिका खेल्ने अपेक्षा गरिएको छ ।
