थिम्पु– भुटानमा होमस्टे व्यवसायका कारण स्थानीयको आयमा वृद्धि भएको छ । भुटानका ल्याप्स भनेर चिनिने आदिवासीहरूको जीवनमा होमस्टेले परिवर्तन ल्याइरहेको द भुटान लाइभले उल्लेख गरेको छ ।
भुटानी संस्कृतीसँग जोडिएको बार्षिक रोयल हायल्याण्ड फेस्टिबल उत्सव गर्नको लागि मात्र नभई आर्थिक सम्भावनाहरू सुधार गर्ने माध्यम पनि हो।
हालै सम्पन्न रोयल हाइल्याण्ड फेस्टिभल, जसले धेरै आन्तरिक र अन्तर्राष्ट्रिय पर्यटकहरूलाई आकर्षित गरेको छ । यस फेस्टिभलको दौडान ५०० भन्दा बढी आगन्तुकहरू होमस्टेमा बसेका थिए ।
यहाँका होमस्टेहरू आधुनिक सुविधाका रहेका छन् । साकटेङ गेवोगका रिन्चेन डेमा जस्ता आगन्तुकहरूलाई यो स्तरको आरामले प्रभावित पारेको छ, जसले भने, ‘म विगतमा पनि लाया गेवोङमा आएको थिएँ। यहाँ बस्नको लागि कुनै समस्या छैन। र होमस्टेहरूमा सफा शौचालयहरू छन्। साथै, सबै कोठाहरू सफा छन्। मैले कुनै समस्या भोग्नु परेको छैन् ।
द भुटान लाइभसँग कुरा गर्दै लुनाना गेउगका आगन्तुक ग्याम्बो छिरिङले भने, “हाम्रो इच्छा अनुसार घरधनीले हामीलाई खाना खुवाइरहेका छन्, म खुसी छु। साथै, यो वर्ष फुटपाथ पनि राम्रोसँग मर्मत गरिएको छ, जुन सुविधाजनक छ।’
‘मैले होमस्टे सुरु गरेको तीन वर्ष भइसक्यो। यस पटक मसँग आठ जना पाहुना आएका थिए, जसबाट मैले करिब २५ हजार कमाएको छु। पाहुनाहरूले केही वर्षको तुलनामा सेवा पाएर खुसी भएको बताएका छन् ।’ होमस्टेका सञ्चालक छिरिङ पेमोले भने।
यी होमस्टे मालिकहरूको जीवनस्तर उकास्न र सहयोग गर्न सरकारले अत्यावश्यक पूर्वाधारका लागि रकम विनियोजन गरेको छ। यसमा शौचालय निर्माण, पाहुनाको सुरक्षाका लागि उपयुक्त घोडाको व्यवस्था, र गाउँभित्र पक्की फुटपाथहरू समावेश छन्।
१२औं पञ्चवर्षीय योजनामा भुटान सरकारले यी पहलहरूमा ६० लाख रुपैयाँ लगानी गरेको छ भने थप ३० लाख रुपैयाँ पर्यटन विभागले फ्लस शौचालय निर्माणका लागि दिएको भुटान लाइभले रउल्लेख गरेको छ ।
लाया गेवोङ समुन्द्री सतहबाट ३,८०० मिटरभन्दा माथिको उचाइमा अवस्थित रहेको छ भने करिब १,२०० व्यक्तिको बसोबास रहेको छ । । पछिल्लो समय यो क्षेत्र पर्यटनको नयाँ गन्तव्यको रुपमा अघि बढिरहेको छ ।
