गुवाहाटी । इन्डियन प्रिमियर लिग (आईपीएल) मा आज डबल हेडर खेलिनेछ। आजको दोस्रो खेल राजस्थान रोयल्स र कोलकाता नाइट राइडर्सबिच हुनेछ ।
टोली १६ अंकसहित तालिकाको तेस्रो स्थानमा छ । दोस्रो स्थानमा रहने टोलीले फाइनल पुग्ने दुईवटा मौका पाउँछ। जबकि तेस्रो स्थानमा रहेको टोलीले फाइनलमा पुग्न २ खेल खेल्नुपर्नेछ ।
हेड टू हेड:
कोलकाता र राजस्थानबिच आईपीएलमा हालसम्म जम्मा २९ खेल खेलिएका छन्। जसमध्ये दुवै टोलीले १४–१४ ले जितेका थिए भने एउटा खेल भने नतिजाविहीन बनेको थियो ।
यी दुई टोली सिजनमा दोस्रो पटक भिड्दैछन् । पहिलो खेलमा राजस्थान २ विकेटले विजयी भएको थियो ।
बटलर बाहिर, खराब फर्ममा राजस्थान
राजस्थानको टोलीले पछिल्ला दुई खेलमा १ सय ५० रनको आँकडा पार गर्न सकेको छैन । यही बिच टोलीका स्टार ब्याट्सम्यान जोस बटलर राष्ट्रिय जिम्मेवारी पूरा गरी इंग्ल्याण्ड फर्किएका छन् ।
अब टोलीका शीर्ष तीन ब्याट्सम्यान यशस्वी जैसवाल, सञ्जु सैमसन र रायन परागले ब्याटिङ अर्डरको जिम्मेवारी सम्हाल्नेछन् ।
