काठमाडौं। बंगलादेशकी ले अमेरिकामाथि ठूलो आरोप लगाएकी छन्। हाल भारतमा बस्दै आएकी शेख हसिनाले सेन्ट मार्टिन टापु हस्तान्तरण नगरेको कारण अमेरिकाले सत्ताबाट हटाएको बताएकी छन्।
सेन्ट मार्टिन टापु पाएपछि बङ्गालको खाडीमा अमेरिकाको प्रभाव बढ्ने शेख हसिनाले बताएको भारतीय सञ्चारमाध्यमले जनाएका छन्। हाल भारतमा शरणार्थी जीवन जिइरहेकी हसिनाले पहिलोपटक मुख खोलेकी हुन्।
शेख हसिनाले आफ्नो सन्देशमा बंगलादेशी नागरिकहरूलाई कट्टरपन्थीहरूबाट भ्रममा नपर्न चेतावनी दिएकी छन्।
आफ्ना नजिकका सहयोगीहरू मार्फत पठाइएको र इटीलाई उपलब्ध गराइएको सन्देशमा शेख हसिनाले भनिन्, ‘मैले शवको जुलुस हेर्न नपरोस् भनेर राजीनामा दिएँ। उनीहरू विद्यार्थीहरूको शवमाथि सत्तामा आउन चाहन्थे तर मैले यो हुन नदिई प्रधानमन्त्री पदबाट राजीनामा दिएँ।’
‘म छिट्टै फर्कन्छु’
शेख हसिना थपेकी छन्, ‘यदि म देशमा बसेको भए, धेरै ज्यान गुमाउने थिए, र धेरै स्रोतहरू नष्ट हुने थिए। मैले छोड्ने धेरै गाह्रो निर्णय लिए। म तपाईंको नेता भएँ किनकि तपाईंले मलाई छान्नुभयो, तपाईं हुनुहुन्छ। धेरै नेताको हत्या भएको कार्यकर्तालाई उत्पीडन गर्ने, घरमा तोडफोड र आगजनी भएको खबर सुनेर मेरो मन आँसुले भरिएको छ, सर्वशक्तिमान् अल्लाहको कृपाले म चाँडै फर्कनेछु।’
शेख हसिनाले अवामी लिगले बारम्बार आवाज उठाएको बताएकी छन्।
‘म सँधै बंगलादेशको भविष्यको लागि प्रार्थना गर्नेछु, जुन राष्ट्रका लागि मेरा महान् बुबाले लडेका थिए, जुन राष्ट्रका लागि मेरा पिता र परिवारले आफ्नो जीवन बलिदान दिए।’
‘मैले कसैलाई रजाकार भनेकै छैन’
आरक्षण आन्दोलन र विद्यार्थी आन्दोलनको सन्दर्भमा हसिनाले भनिन्, ‘म बंगलादेशका युवा विद्यार्थीहरूलाई दोहो¥याउन चाहन्छु कि मैले तपाईंलाई रजाकार भनेकी थिइनँ, तर मेरा शब्दहरू तपाईंहरूलाई उक्साउनको लागि मोडिएको थियो। म तपाईंलाई दोहो¥याउन चाहन्छु। म तपाईँलाई दिनको पुरा भिडिओ हेर्न अनुरोध गर्दछु। षड्यन्त्रकारीहरूले तपाईँको निर्दोषताको फाइदा उठाए र तपाईंलाई राष्ट्रलाई अस्थिर बनाउन प्रयोग गरे।’
