काठमाडौं। नेपाल प्रिमियर लिग (एनपीएल) मा सुदूरपश्चिम रोयल्सले युएईका रोहन मुस्तफालाई भित्र्याएको छ। ३६ बर्षीय मुस्तफालाई एनपीएलका लागि भित्र्याएको सुदूरपश्चिमले जानकारी दिएको छ। सुदूरपश्चिमले भित्र्याएका मुस्तफा तेस्रो विदेशी खेलाडी हुन्।
यसअघि सुदूरपश्चिमले स्कटल्याण्डका ब्याटिङ अल राउण्डर ब्राण्डन म्याकुलेन, पाकिस्तानका ब्याटिंग अलराउण्डर सैफ जैबलाई भित्र्याएको थियो । सुदूरपश्चिमको मार्की खेलाडीमा दिपेन्द्र सिंह ऐरी रहेका छन्।
आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउनेक्रम जारी रहेको छ।
