काठमाडौँ । नेपाल प्रिमियर लिग (एनपीएल) क्रिकेटअन्तर्गत सोमबार जारी जनकपुर बोल्ट्सविरुद्धको खेलमा कर्णाली याक्सका प्रभावशाली ब्याट्सम्यान शिखर धवन १४ रन बनाउँदै आउट भएका छन् ।
भारतका चर्चित पूर्वक्रिकेटर धवन ओपनर ब्याट्सम्यानका रुपमा क्रिज समाल्न आएका थिए । उनले १४ बलको सामना गरी तीनवटा चौका पनि हिर्काए । ३९औँ वर्ष प्रवेशको सँघारमा रहेका धवनलाई जनकपुर बोल्ट्सका बलर हर्ष थाकेरले बोल्ड गरे । २७ वर्षीय हर्ष थाकरे क्यानडाका खेलाडी हुन् । ४.२ ओभरमा धवन आउट हुँदा कर्णाली याक्सले दुई विकेट गुमाएर २१ रन बनाएको छ ।
कीर्तिपुरस्थित अन्तर्राष्ट्रिय क्रिकेट मैदानमा कर्णाली याक्सले टस जिती पहिले पहिले ब्याटिङ गर्ने निर्णय लिएको हो । जनकपुर बोल्ट्सले दोस्रो र कर्णाली याक्सले आफ्नो पहिलो खेल खेल्न लागेका हुन् ।
अनिल कुमार साहको कप्तानीमा रहेको जनकपुर बोल्ट्सले शनिबार खेलिएको प्रतियोगिताको उद्घाटन खेलमा सन्दीप लामिछानेको कप्तानीमा रहेको विराटनगर किङ्सलाई आठ विकेटले हराएको थियो । कर्णाली याक्सको कप्तान भने सोमपाल कामी हुन् ।
सम्बन्धित समाचार
लोकप्रिय समाचार
