काठमाडौं। नेपाल प्रिमियर लिग (एनपीएल) मा सुदूरपश्चिम रोयल्सले कर्णाली याक्सलाई ६ विकेटले हराएको छ । लिग चरणको अन्तिम खेलमा सुदूरपश्चिम विजयी भएको हो ।

टस हारेर पहिले ब्याटिङ गरेको कर्णालीले निर्धारित २० ओभरमा सबै विकेट गुमाएर १०१ रन बनाएको थियो । जवाफी ब्याटिङमा उत्रिएको सुदूरपश्चिमले १५ ओभर दुई बलमा चार विकेटको क्षतिमा लक्ष्य भेटाएको हो ।

सुदूरपश्चिमले यो खेल १२ ओभर दुई बलभित्रमा जित्न सकेको भए काठमान्डु गुर्खाज प्लेअफमा पुग्ने थियो । तर सुदूरपश्चिमको इनिङ लम्बिँदा यसको फाइदा पराजित टोली कर्णालीलाई भयो । कर्णालीले हारका बावजुद प्लेअफमा स्थान बनायो ।