काठमडौं। एन्फा महिला लिग फुटबलमा आज त्रिभुवन आर्मी क्लब र वालिङ नगरपालिका खेल्दै छन् । खेल एन्फा कम्प्लेक्सको मैदान सातदोबाटोमा दिउँसो ३ बजे शुरू हुनेछ ।
अङ्क तालिकामा एपीएफ क्लब १८ अङ्कका साथ शीर्ष स्थानमा छ । १३ अङ्कसहित त्रिभुवन आर्मी फुटबल क्लब दोस्रो स्थानमा छ । पुलिस ११ अङ्कसहित तेस्रो स्थानमा र बाग्मती चार अङ्कसहित चौथो स्थानमा छ ।
कुनै पनि अङ्क जोड्न नसकेको वालिङ नगरपालिका तालिकाको पुछारमा छ । एन्फा महिला लिगको पहिलो चरणमा १० टोली रहेकामा दोस्रो चरणमा पाँच वटा टोली पुगेका हुन् ।
