काठमाडौँ— आषाढ शुक्ल पूर्णिमाको पावन अवसरमा काठमाडौंस्थित भारतीय दूतावासले नेपालभरका विभिन्न गुम्बाका भिक्षु तथा प्रतिनिधिहरूको उपस्थितिमा विशेष पूजा कार्यक्रम सम्पन्न गरेको छ।
कार्यक्रममा थेरवाद, महायान र वज्रयान परम्पराका भिक्षुहरूले संयुक्त रूपमा बुद्धवाणीका मन्त्र र पूजा सम्पन्न गरे। यस अवसरमा भगवान् बुद्धले सारनाथमा दिनुभएको पहिलो धर्मदेशन (धर्मचक्र प्रवर्तन) को स्मरण गर्दै प्रार्थना गरियो।
दूतावासका अनुसार यो कार्यक्रम नेपाल र भारतबीचको पुरानो धार्मिक र सांस्कृतिक सम्बन्धलाई अझ प्रगाढ बनाउन आयोजित गरिएको हो। कार्यक्रमले दुई मुलुकबीचको साझा बुद्ध विरासत र शान्तिको सन्देशलाई उजागर गरेको दूतावासले जनाएको छ।
भारत र नेपालबीच भगवान् बुद्धको जन्म, शिक्षाशास्त्र र दर्शनमार्फत गहिरो आध्यात्मिक नाता रहेको छ। यस्तो कार्यक्रमले दुई देशबीचको सम्बन्धलाई जनस्तरमै मजबुत बनाउन मद्दत पुग्ने अपेक्षा गरिएको छ।
