काठमाडौं। राप्ती स्वास्थ्य विज्ञान प्रतिष्ठानकी पूर्वउपकुलपति डा संगीता भण्डारीविरुद्ध भ्रष्टाचार मुद्दा दायर भएको छ।अख्तियार दुरुपयोग अनुसन्धान आयोगले एमआरआई मेसिन खरिदमा भ्रष्टाचार भएको दावी गर्दै मुद्दा दायर गरेको हो ।
मेसिन खरिदमा १२ करोड रुपैयाँ भ्रष्टाचार गरेको विशेष अदालतमा दायर अभियोगपत्रमा उल्लेख छ । यस प्रकरणमा भण्डारीसहित १३ जना प्रतिवादी छन्।भण्डारी पूर्वमन्त्री शरतसिंह भण्डारीकी बहिनी हुन्।
बिहीबार आयोगले राप्ती स्वास्थ्य विज्ञान प्रतिष्ठानका तत्कालीन का.मु. रजिष्ट्रार झन्कार लामिछानेसहित १३ जनाविरुद्ध भ्रष्टाचार मुद्धा दायर गरेको हो ।
उनीहरू माथि गैर कानुनी लाभ तथा हानी पुर्याइ भ्रष्टाचार गरेको आरोपमा विशेष अदालत काठमाडौँमा मुद्धा दायर गरिएको प्रवक्ता राजेन्द्र कुमार पौडेलले जानकारी दिए ।
