काठमाडाैँ– निर्वाचन आयोगका प्रमुख आयुक्त दिनेशकुमार थपलियाले राष्ट्रिय स्वतन्त्र पार्टीका सभापति रवि लामिछानेप्रति इंगित गर्दै आयोगले उम्मेदवारी दिँदा नै नेपाली नागरिक हो/होइन र नागरिकता अनुसार उमेरले उम्मेदवार बन्न योग्य भएको छ वा छैन भन्नेबारेमा मात्रै हेर्ने अधिकार रहेको बताए ।
उनले उम्मेदवार दिँदा पनि उम्मेदवारलाई म नेपाली नागरिक हुँ, मैले पेस गरेका सबै डकुमेण्ट ठिक छन् भनेर स्वघोषणा र दस्तखत गराउने गरेको बताए ।
उहाँले निर्वाचन आयोगलाई कुनैपनि अर्को व्यक्तिलाई कुनै अर्को पार्टी खारेज गरिपाउँ भनेर निवेदन दिने अधिकार नहुने र आयोगले पनि कुनै पार्टी खारेज गर्नसक्ने अधिकार नराख्ने बताए ।
उनले भने, ‘प्रतिनिधिले उम्मेदवारी दिइसकेपछि हामीले एउटा स्वघोषणा गराउँछौँ र आफैँलाई दस्तखत गराउँछौँ । त्यो कानूनमा पनि व्यवस्था छ ।
हामीले त्यसमा म नेपाली नागरिक हो, मैले पेस गरेका सबै डकुमेण्ट ठिक छन्, म कुनैपनि कानूनले उम्मेदवार हुन योग्य छु भन्ने लगायका धेरै विषयमा दस्तखत गराउँछौँ ।
देश हाँक्न आउने व्यक्ति गलत नागरिकतालाई सही हो भनेर आउँदैन भन्ने आयोगको विश्वास हो । प्रशन उठेपनि त्यसको छिनोफानोका लागि सम्बन्धित निकायलाई सोध्ने हो ।
