काठमाडौं । इंग्लिस प्रिमियर लिग फुटबलमा चेल्सी पराजित भएको छ । शनिबार राति भएको खेलमा चेल्सीलाई एस्टन भिल्लाले २-० ले हराएको हो ।

एस्टनले चेल्सीलाई स्टामफोर्ड ब्रिजमै हराएको हो । एस्टनको जितमा ओली वाटकिन्स र जोन म्याकगिनले एक एक गोल गरे ।

खेलको १८ औं मिनेटमा वाटकिन्सले गोल गर्दै एस्टनलाई सुरुआती अग्रता दिलाएका थिए ।

त्यसपछि खेलको ५६ औं मिनेटमा जोनले गोल गर्दै एस्टनको जित पक्का गरे ।जितसँगै एस्टनले २८ खेलमा ४१ अंक जोडेको छ ।

एस्टन नवौं स्थानमा उक्लिएको छ । चेल्सी ३८ अंक जोडेर ११ औं स्थानमा रहेको छ ।