काबुल— संयुक्त राष्ट्र संघले तालिबानलाई अफगानिस्तानमा कोर्रा र मृत्युदण्ड रोक्न आह्वान गरेको खामा प्रेसले उल्लेख गरेको छ ।
अफगानिस्तानमा संयुक्त राष्ट्र सहायता मिशनका मानव अधिकार प्रमुख फियोना फ्रेजरले एक विज्ञप्तिमा तालिवानको शारीरिक दण्ड अन्तर्राष्ट्रिय कानूनको विरुद्धमा रहेको बताइन्। उनले तालिवान नेतृत्वलाई सबै मृत्युदण्ड तुरुन्त रोक्न आग्रह गरिन्। शारीरिक सजाय यातना विरुद्धको महासन्धिको उल्लङ्घन हो र यो बन्द हुनुपर्छ, संयुक्त राष्ट्रसंघको मानव अधिकार प्रमुख फियोना फ्रेजरले भनिन्।
तालिबान नेतृत्वको अफगानिस्तानको विदेश मन्त्रालयले प्रतिक्रियामा भन्यो कि अधिकांश अफगानहरूले इस्लामिक नियम र निर्देशनहरू पालना गर्छन् र अफगानिस्तानको कानून इस्लामिक सिद्धान्तहरूमा आधारित छन्।
यसैबीच, सोमबार जारी गरिएको संयुक्त राष्ट्रसंघको प्रतिवेदनले अफगानिस्तानको नियन्त्रण प्राप्त गरेदेखि नै मृत्युदण्ड, कोर्रा र ढुङ्गाले हानेकोमा तालिवानको कडा आलोचना गरेको छ। यसले तालिवान नेताहरूलाई त्यस्ता अभ्यासहरू तत्काल अन्त्य गर्न आग्रह गरेको छ। अफगानिस्तानमा संयुक्त राष्ट्रसङ्घीय सहयोग नियोग (यूएनएएमए) को प्रतिवेदनअनुसार अफगानिस्तानमा विगत ६ महिनामा २७४ पुरुष, ५८ महिला र दुई बालकलाई सार्वजनिक रूपमा कोर्रा लगाइएको छ । अफगानिस्तानमा सत्तामा आएपछि पहिलो पटक सार्वजनिक मृत्युदण्डमा तालिबान अधिकारीहरूले डिसेम्बर २०२२ मा हत्याको दोषी पाएका एक अफगानी व्यक्तिलाई मृत्युदण्ड दिएको थियो ।
वरिष्ठ तालिबान अधिकारीहरू लगायत सयौं दर्शकहरूको अगाडि पीडितका बुबाले उनलाई पश्चिमी प्रान्त फराहमा असल्ट राइफल प्रयोग गरेर मृत्युदण्ड दिए।
यस्तै, तालिबानले महिलामाथि प्रतिबन्ध बढाएको छ र उनीहरूलाई शिक्षा, विश्वविद्यालय, पार्क र जिम जस्ता सार्वजनिक क्षेत्रहरूमा प्रतिबन्ध लगाएको छ।
