काठमाडौं । फ्रेन्च क्लब पेरिस सेन्ट जर्मेन (पीएसजी) का फरवार्ड लियोनल मेस्सीले क्लब छाड्ने पक्का भएको छ ।
अर्जेन्टिनी मेस्सीले यस सिजनको अन्त्यसँगै पीएसजी छाड्ने भएका हुन् ।पीएसजीका मुख्य प्रशिक्षक क्रिस्टोफ गाल्टियरले मेस्सीले क्लब छाड्ने पुष्टि गरेका छन् ।
प्रशिक्षक गाल्टियरले मेस्सीले पीएसजीका लागि शनिबार क्लेर्मन्टसँग अन्तिम खेल खेल्ने बताए ।
‘मैले फुटबलको इतिहासमा उत्कृष्ट खेलाडीलाई प्रशिक्षण दिने अवसर पाएको छु,’ गाल्टियरले भनेका छन्, ‘पार्क डेस प्रिन्सेसमा यो उनको अन्तिम खेल हुनेछ र मलाई आशा छ कि उसले न्यानो स्वागत पाउने छन् ।’
विश्वकप विजेता मेस्सीको पीएसजीसँगको सम्झौता यसै समरमा सकिँदैछ।अर्जेन्टिनाका कप्तान मेस्सीले २०२१ मा पीएसजीसँग दुई वर्षको सम्झौता गरेका थिए ।
मेस्सी पछिल्लो समय बार्सिलोना फर्कने चर्चा छ ।मेस्सीले पीएसजीका लागि सबै प्रतियोगितामा ७४ खेलमा ३२ गोल गरेका छन् ।
सम्बन्धित समाचार
लोकप्रिय समाचार
