काठमाडौं । म्यानचेस्टर सिटीले एफए कप फुटबलको उपाधि जितेको छ ।
शनिबार भएको फाइनलमा म्यानचेस्टर युनाईटेडलाई २-१ गोल अन्तरले हराउँदै सिटीले उपाधि जितेको हो ।
सिटीले सातौं पटक एफए कपको उपाधि जितेको हो । सिटीलाई उपाधि दिलाउन इल्के गुन्डोगानले दुई गोल गरे ।
युनाईटेडका ब्रुनो फर्नान्डेजले एक गोल फर्काए । खेलको पहिलो मिनेटमै गुन्डोगानले गोल गर्दै सिटीलाई सुरुआती अग्रता दिलाएका थिए ।
तर, खेलको ३३ औं मिनेटमा ब्रुनोले पेनाल्टीमार्फत गोल गर्दै युनाईटेडलाई १-१ गोलको बराबरीमा ल्याए ।
त्यसपछि खेलको ५१ औं मिनेटमा गुन्डोगानले व्यक्तिगत दोस्रो गोल गर्दै सिटीलाई २-१ को जित दिलाए ।
सिटीको यो सिजनको दोस्रो उपाधि हो । ट्रेबल उपाधि जित्ने योजनामा रहेको सिटीले यस अघि प्रिमियर लिगको उपाधि जितेको थियो ।
अब सिटीले च्याम्पियन्स लिगको फाइनलमा इन्टर मिलानसँग खेल्नेछ ।
सम्बन्धित समाचार
लोकप्रिय समाचार
