काठमाडौँ । काठमाडौँ महानगरपालिकाले पालिका भित्रको कर प्रणालीलाई व्यवस्थित र परिमार्जित गर्न कर टोली गठन गर्ने भएको छ ।
आइतबार आर्थिक वर्ष २०८०/८१ को बजेट ल्याएको महानगरपालिकाले करको दरमा समसामयिक पुनरावलोकन गर्न तथा करको दायरा फराकिलो बनाई राजश्व परिचालनमा थप प्रभावकारिता ल्याउन कर टोली गठन गरी परिचालन समेत गरिने जनाएको हो ।
यसका लागि ३ करोड ४२ लाख रुपैयाँ बजेट छुट्याइएको उपमेयर सुनिला डंगोलले जानकारी दिइन् ।
निजी क्षेत्रको स्रोत, साधन, सीप र प्रविधिको उपयोग गरी सार्वजनिक निर्माण तथा सेवाप्रवाहमा साझेदारी कार्यक्रम प्रवर्द्धन गर्न आवश्यक बजेट सहितको व्यवस्था समेत मिलाइएको उनले जानकारी दिइन् ।
