ढाका- बंगलादेशमा इस्कोनको गतिविधिमाथि प्रतिबन्ध लगाउन भइरहेको सरकारी प्रयासलाई अदालतले अंकुश लगाइदिएको छ ।

ढाकास्थित उच्च अदालतले इस्कोनको गतिविधिमा प्रतिबन्ध लगाउन मागसहित दर्ता निवेदनलाई खारेज गरिदिएको हो । त्यसपछि इस्कोनले एक विज्ञप्ति जारी गर्दै उच्च अदालतको उक्त फैसालको स्वातग गरेको छ।

यो निवेदन बंगलादेशको सर्वोच्च अदालतका वकील मोहम्मद मोनिर उद्दिनले दर्ता गराएका थिए । जसमा इस्कोनमाथि प्रतिबन्ध लगाउन माग गरिएको थियो । त्यसको एक दिनअघि बंगलादेशका महान्यायाधिवक्ताले अदालतलाई इस्कोनसँग सम्बन्धित कुनै पनि फैसला नलिन भनेका थिए । सरकारले इस्कोनबारे जरूरी कारबाही थालेको भन्दै महान्यायाधिवक्ताले यस्तो माग गरेका थिए ।

इस्कोनका प्रवक्ता राधारमण दासले समाचार एजेन्सी पीटीआईसँग भनेका छन्, ‘यो हाम्रा लागि ठूलो राहतको कुरा हो, बंगलादेशको उच्च अदालतले हामीमाथि प्रतिबन्ध गर्न दिइएको निवेदन खारेज गरिदिएको छ। तर उनले यस मामिलामा मोहम्मद युनुश नेतृत्वको वर्तमान बंगलादेशी सरकारको व्यवहार र नीतिलाई लिएर आफूहरू चिन्तित रहेको बताए ।

दासले बंगलादेश सरकारले अल्पसंख्यकहरूको सुरक्षामा उचित कदम चाल्ने विश्वास पनि व्यक्त गरेका छन् ।