काठमाडौं । अन्तराष्ट्रिय मैत्रीपूर्ण खेलमा बेल्जियमले जर्मनीलाई हराएको छ ।मंगलबार राति भएको खेलमा बेल्जियमले जर्मनीलाई ३-२ गोल अन्तरले हराएको हो ।
खेलको छैटौं मिनेटमा यानिक कारास्कोले गोल गर्दै बेल्जियमलाई सुरुआती अग्रता दिलाएका थिए ।
नवौं मिनेटमा रोमेलु लुकाकुले गोल गर्दा बेल्जियम २-० ले अघि रह्यो । खेलको ४४ औं मिनेटमा निकलस फुल्क्रुगले पेनाल्टीबाट गोल गर्दै जर्मनीलाई २-१ को स्थितिमा ल्याए ।
खेलको ७८ औं मिनेटमा केभिन डी ब्रुएनले गोल गर्दा बेल्जियम ३-१ ले अघि रह्यो ।
त्यसपछि खेलको ८७ औं मिनेटमा जर्मनीका सेर्जी जिनाब्रीले गोल गरेपनि बेल्जियम ३-२ ले विजयी भयो ।
सम्बन्धित समाचार
लोकप्रिय समाचार
