सिरहामा एमाले कार्यकर्ता मारिएको विरोधमा सप्तरी बन्द आह्वान
Share |
फागुन-६ सप्तरी ।
नेकपा एमालेका भ्रातृ संगठनहरु अनेरास्ववियु र युथ फोस्रले आज सप्तरी बन्द आह्वान गरेका छन् । सिरहामा केही दिनअघि प्रहरीसँग भएको झडपमा एमाले कार्यकर्ता रामस्वरुप पासवानको मृत्युभएको घटनालाई लिएर उनीहरुले बन्द आह्वान गरेका हुन् । बन्दका कारण सप्तरीका बजार शैक्षिँक संस्था यातायात कारखाना ठप्प भएका छन् । बन्दकर्ताहरु राजविराजका विभिन्न ठाउँमा प्रदर्शन गरिरहेका छन् । उनीहरुले मृतक पासवानलाई शहिद घोषणा मृतकको परिवारलाई क्षँतिपूर्ति घटनाको छानविनका लागि उच्चस्तरिय छानविन आयोग गठन गर्नुपर्नेलगायतका माग राखेका छन् । यसैबीच हत्याको विरोधमा आन्दोलनरत सिरहाका एमाले कार्यकर्ताहरुले आज सिरहा मिर्चैया सडकखण्ड अवरुद्ध पारेका छन् । अवरोधका कारण सयौं गाडी बीच बाटैमै अलपत्र परेका छन् ।
प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
 
 
   
थप समाचारहरु :: समाज
१.   आज सामाजिक सेवा दिवश
असोज ६ हिमाल पहाड, तराई सामाजिक विकास सबैलाई भन्ने नाराका साथ आज ३५ औं सामाजिक सेवा दिवश मनाइएको छ । यो दिवशको अवसरमा समाज कल्याण परिषद्ले समारोहको आयोजना गयो । समारोहलाई सम्बोधन गर्दै उपराष्ट्रपति परमानन्द झाले बिदेशी दातृ निकायले सामाजिक सेवाका लागि दिएको सहयोगको सदुपयोग हुनुपर्ने बताउनुभयो ।
२.   हुँदा खानेदेखि हुने खानेसम्मलाई सास्ती
असोज ६ दशै तिहार लगायत चाडपर्वमा मजदूरी गरेर पेट पाल्नेदेखि सभ्रान्तसम्मको चुलोमा मिठै पाक्छ । अरुबेला भन्दा बढी खाद्य खपत हुने दशैंमा इन्धनका रुपमा ग्याँसको प्रयोग पनि बढ्छ । तर चाडपर्व नजिकिएसंगै उपभोक्ता ग्यास नपाइने हो कि भन्ने चिन्तामा छन् । कुनै एक जमाना थियो, गाउँदेखि शहरसम्म इन्धनको स्रोत दाउरा थियो । तर आजभोलि शहर मात्र होइन अर्ध शहरी क्षेत्रदेखि केही गाउँसम्मका चुल्होमा इन्धनको स्रोत बनेको छ, ग्याँस ।
३.   अझै आएन कक्षा १२ को रिजल्र्ट, लाखौ विद्यार्थी प्रभावित
असोज ६ असार अन्तिम सातासम्ममा सार्वजनिक गर्नुपर्ने कक्षा १२ को विज्ञान संकायको नतिजा एक महिना पछि साउन अन्तिम साता आयो । उच्च माध्यमिक शिक्षा परिषद्ले लिएको कक्षा १२ का अरु संकायको नतिजा त अहिलेसम्म आएको छैन । परिषद्ले कक्षा १२ को नतिजा समयमा नदिँदा लाखौ विद्यार्थी प्रभावित भएका छन् । एक महिना ढिला गरी विज्ञान संकायको नतिजा निकालेको उच्च माध्यमिक शिक्षा परिषद्ले अरु संकायको नतिजा भने ५ महिना बितिसक्दा निकाल्न सकेको छैन ।
४.   पूर्वराजा ज्ञानेन्द्र शाहलाई हृदयघात
असोज ५ पूर्वराजा ज्ञानेन्द्र शाहलाई हृदयघात भएपछि अस्पताल भर्ना गरिएको छ । पूर्वराजा शाहलाई गएराती १० बजे हृदयघात भएपछि काठमाडौंको थापाथलीमा अवस्थित नर्भिक अस्पतालमा भर्ना हुनुभएका शाहको उपचार सफल भएको हो । शाहलाई डा. भरत रावत र यादव भट्टको टोलीले उपचार गरिरहेको छ ।
५.   काठमाडौंको बाङ्गेमुढामा आगलागी
असोज २ काठमाडौंको बाङ्गेमुढामा आज बिहान आगलागी हुँदा दुई घर जलेर ध्वस्त भएका छन् । विहान ९ बजेतिर स्थानीय उमाराज राजभण्डारीको घरबाट सल्केको आगो अर्को घरमा समेत फैलिंदा दुवै घर ध्वस्त भएका हुन ।
६.   राजधानीको सुरक्षा व्यवस्थामा कडाई
असोज ०२ चाडवाडका समयमा हुने चोरी तथा लुटपाट जस्ता अपराधलाई लक्षित गर्दै प्रहरीले काठमाडौंमा विशेष सुरक्षा योजना लागू गरेको छ । महानगरीय प्रहरी परिसर काठमाडौंले पत्रकार सम्मेलन गरी दशैतिहारको अवधिमा कुनै पनि नागरिकले दुखद् घटना बेहोर्नु नपरोस् र सबैले शान्तिपूर्ण ढंगले चाडपर्व मनाउन पाउन् भन्ने उद्देश्यले विशेष सुरक्षा योजना ल्याएको जनाएको हो ।
७.   अख्तियारको निगरानी
भदौ ३१, केही समयदेखि भ्रष्टाचार नियन्त्रणमा सक्रिय अख्तियार दुरुपयोग अनुसन्धान आयोगले पियनदेखि हाकिमसम्मलाई घुस लिदालिदै पक्रेको छ । अनियमिततामा कर्मचारी मात्र होइन विश्वविद्यालयका पदाधिकारीसमेत भ्रष्टाचारमा मुछिएका छन् । देशकै पूरानो र ठूलो त्रिभुवन विश्वविद्यालयदेखि उच्च मावि शिक्षा परिषद्सम्मका कामको अनुसन्धान गरिरहेको अख्तियारले शिक्षा मन्त्रालयसम्मलाई निगरानीमा राखेको छ ।
८.   चौध अस्पतालमा अध्यक्ष नियुक्त
भदौ २७ सरकारले चौध वटा अस्पातलमा अध्यक्ष नियुक्त गरेको छ । सिंहदरवारमा बसेको हिजो बसेको मन्त्रिपरिषद्को बैठकले काठमाडौंसहित विभिन्न जिल्लामा रहेका सरकारी अस्पतालमा अध्यक्ष नियुक्त गरेको हो ।
९.   एसएलसी मौका परीक्षाको नतिजा आज
काठमाडौं, २२ भदौ । परीक्षा नियन्त्रण कार्यालय सानोठिमी भक्तपुरले यसवर्षको एसएलसी मौका परीक्षाको नतिजा आज सार्वजनिक गर्दै छ । परीक्षा नियन्त्रक विष्णु द्वारेले आज एसएलसी पूरकको नतिजा सार्वजनिक गरिने जानकारी दिएका छन् । पूरक परीक्षा साउन २० देखि २७ गतेसम्म सञ्चालन भएको थियो ।
१०.   चाडपर्व नजिकिदै, कालो बजारी बढ्दो, सरकारी निकाय निष्क्रिय
भदौ २० दशै, तिहार, छठ लगायत चाडपर्व नजिकिँदै गर्दा बजारमा कालोबजारी पनि बढ्ने गर्छ । कालोबजारी रोक्नका लागि सरकारी निकायबाट भने त्यति प्रभावकारी काम हुन सकेको छैन । अघिल्ला वर्ष नियमित जसो बजार अनुगमन गरेको वाणिज्य विभागले यो वर्ष त चाडपर्व लक्षित अनुगमनसम्म थालेको छैन । चाडपर्व नजिकिएसंगै बजारमा अनियमित गतिविधि देखिन थालिसको छ । तर बजार अनुगमन र आपूर्ति व्यवस्थापनको जिम्मा पाएको वाणिज्य तथा आपुर्ती ब्यवस्थापन विभाग भने बल्ल बजार अनुगमनको चाँजोपाँजो मिलाउदै छ । अघिल्ला दुई वर्ष करीब नियमित जस्तै भएको बजार अनुगमन गरे पनि यो वर्ष भने अहिलेसम्म सुरु भएको छैन । चाडपर्वलाई लक्षित अनुगमनका लागि राजधानी तथा क्षेत्रीय स्तरमा टोली बनाउन लागेको विभागको भनाइ छ । चाडपर्वको समयमा मिठाइ, खाद्यान्नदेखि लत्ताकपडासम्म बढी खपत हुन्छ ।
११.   सार्जजनिक यातायातको भाडा बढ्ने
भदौ २० चाडपर्व नजिकिदै गर्दा सार्वजनिक यातायातको भाडा बढ्ने तयारीमा छ । यातायात व्यवस्था विभागले सार्वजनिक सवारी साधनको भाडा ५ देखि ७ प्रतिशतले बढाउने गरी तयारी गरिरहेको छ । यातायात व्यवासायीको दवाबपछि वैज्ञानिक भाडा समायोजनको सिफारिस विभागले मन्त्रालयमा पठाएको छ । मन्त्रालयले स्वीकृति दिनासाथ सार्वजनिक गाडीको भाडा महंगिने छ । लामो तथा छोटो दूरीमा चल्ने सार्वजनिक सवारी साधनको भाडा करिब ५ देखि ७ प्रतिशतले बढ्ने भएको छ । पट्रोलियम पदार्थको मूल्य करीब पाँच प्रतिशत बढेको तर बैज्ञानिक भाडादर समायोजन नभएको भन्दै यातायात व्यवसायीले दवाब दिए पछि सरकारले भाडा बढाउने तयारीलाई अन्तिम चरणमा पुयाएको छ । यातायात व्यवस्था विभागले पट्रोलियम पदार्थमा भएको मूल्यबृद्धि अनुसार भाडा समायोजनको खाका तयार पारेर यातयात मन्त्रालयमा स्वीकृतीका लागि पठाइसकेको छ ।
१२.   दुई नेपाली मूलका नागरिक कतारमा चार दिनदेखि बेपत्ता
भदौ २० कतारमा दुई नेपाली मुलका ब्रिटेन नागरिक तथा अधिकारकर्मी चार दिनदेखि हराईरहेका छन् । नेपाली मजदुरहरूको मानवअधिकारको अवस्थाबारे रिपोर्टिङ गर्न ब्रिटेनबाट कतार पुगेका कृष्ण उपाध्याय र गुणदेव घिमिरे बेपत्ता छन् । उनीहरूलाई सादा पोशाकका प्रहरीले नियन्त्रणमा लिएको बुझिएको छ ।
१३.   आज गौरा पर्व
भदौ १७ प्रत्येक बर्ष भाद्र शुक्ल अष्टमीका दिन मनाइने गौरा पर्व उमा महेश्वर सहित दुवोको पुजा गरेर आज सुदुरपश्चिमका जिल्ला सहित काठमाडौमा समेत मनाईंदैछ । विशेषगरी सुदूरपश्चिममा मनाइदै आएको यो पर्वका दिन सुदूरपश्चिमवासीहरु देउडा गीत गाएर नृत्य गरी रमाइलो गर्छन् । दुबोको समेत पूजा गरिने भएकाले यो अष्टमीलाई दुर्वाष्टमी पनि भनिन्छ । दुबो जसरी फैलिन्छ त्यसरी मानव जगतको उन्नती र प्रगति होस भन्ने कामनाका साथ उमामहेश्वरको पूजा, उपासना र ब्रतसमेत गरिने धार्मिक प्रचलन रहेको छ ।
१४.   चाडपर्व नजिकिएसंगै कालोबजारी शुरु
भदौ १६ दशै, तिहार र छठजस्ता पर्व नजिकिएसंगै लत्ताकपडा तथा उपभोग्य बस्तुको माग बढ्नु स्वभाविक हो । यही मौका छोपेर उपभोक्ता ठग्नेहरु सक्रिय हुन थाल्छन् । चाडपर्वको मौका छोपेर अकुत कमाउन पल्किएका कालाबजारीविरुद्ध सरकारी अभियान कस्तो छ त ? हरेक बर्षका चाडपर्वअघि सुनिने आवाज हो यो । सरकारी संयन्त्र विभिन्न बहानामा उपभोक्ता ठग्ने बिरुद्ध अनुगमन र कारबाही भएको दाबी हरेक बर्ष गरिरहन्छ । अनी उपभोक्ता सधैजसो मूल्य बृद्धि र कालाबजारीको मारमा परिरहन्छन् । यहि हो नेपाली उपभोक्ताले हरेक बर्ष चाडपर्वसँगै पाउने उपहार ।
१५.   टिपर व्यवसायिको आन्दोलन
भदौ १६ ट्रक तथा टिपर व्यवसायी विगत दुई सातादेखि बालुवा, ढुंगा गिट्टीको सहज निकासीको माग राख्दै आन्दोलनमा छन् । सरकारले रोजीरोटीको विकल्प नै नदिइ निकासीमा प्रतिबन्ध लगाएको उनीहरूको आरोप छ । तर सरकारले भने निर्माण सामग्रीको उत्खनन र निकासी व्यवस्थित बनाउन मापदण्ड बनाइरहेको बताएको छ । झट् हेर्दा गाडी पार्किङ गर्ने ठाउँ जस्तो देखिएको काठमाडौ तिनकुनेको यो खालीमा ठाउँमा सयौँ ट्रक तथा टिपर देख्न सकिन्छ । यी ट्रक तथा टिपर तीनकुनको वीचमा रहेको पूरै खाली ठाउँ ढाक्ने गरी विगत दुई सातादेखि राखिएका छन् । सरकारले चुरे क्षेत्रबाट बालुवा, ढुंगा, गिट्टीको निकासीमा प्रतिबन्ध लगाएपछि टिपर व्यवसायी विरोधमा उत्रिएका छन् ।