नेपाली चलचित्र क्षेत्रकी चर्चित अभिनेत्री तथा इसेवा मनि ट्रान्सफरको ब्राण्ड फेससमेत रहेकी स्वस्तिमा खड्का संयुक्त राज्य इमिरेट्स् युएई जाने भएकी छन् । ईसेवा मनि ट्रान्सफरको “मेरो डिजिटल देश” योजना अन्तर्गत अल अन्सारी एक्सचेन्ज र ईसेवा मनिट्रान्सफरको निम्तोमा अभिनेत्री खड्का फेब्रुअरी १८ शनिबार युएई जान लागेकी हुन् ।
शनिवार १८ फेब्रुअरी- अल खाइल मल शाखामा साँझ ५ बजे देखि ६:३० बजेसम्म, १९ फेब्रुअरी आईतबारका दिन सेन्ट्रल मल शाखामा दिउँसो २ बजे देखि ३ बजेसम्म रहेछिन् । यस्तै खड्काले दुबईस्थित अल घुराइर मलमा १९ फेब्रुुअरी कै दिन एक विशेष कार्यक्रममा समेत सहभागि हुनेसमेत बताइएकाे छ । सो कार्यक्रममा नायिका खड्काले सहभागि सवैसंग साँझ ४ बजेदेखि साँझ ७ बजेसम डिजिटल रेमिट्यान्सको बारेमा छलफल र नेपालीहरुसंग अन्तरक्रिया गर्नेछिन् । त्यसैगरी २० फेब्रुअरी सोमबार आबुधावी स्थित हमदान शाखामा दिउँसो ४ बजे देखि ५ बजेसम्म रहनेछिन् ।
अल अन्सारी एक्सचेन्ज संयुक्त अरव इमिरेट्स युएईको सवैभन्दा ठूलो रेमिटेन्स कारोबार गर्ने एक्सचेन्ज कम्पनी हो । अहिले ईसेवा मनि ट्रान्सफरले “मेरो डिजिटल देश” योजना सञ्चालन गरिरहेको छ । “मेरो डिजिटल देश” योजनाले विश्वभर बाट नेपालमा बैंक खाता वा वालेट मार्फत रेमिट्यान्स भित्र्याउन विभिन्न कार्यक्रम गर्नुका साथै यो अभियानमा सहभागीहरुलाई विभिन्न उपहार समेत दिइरहेको छ ।
“मेरो डिजिटल देश” योजना अन्तर्गत डिजिटल माध्यमबाट रेमिट्यान्स पठाउने १ जनालाई काठमाडौंमा घर समेत दिने योजना इेसेवा मनि ट्रान्सफरले अघि सारेको छ । नायिका खड्काले यो योजना अन्तर्गत विदेशमा श्रम गरेर देशको अर्थतन्त्रमा महत्त्वपूर्ण योगदान दिइरहेका नेपालीहरु भेट्न आफू निकै उत्साहित रहेको बताएकी छन् । उनले युएईमा आफूले सकेसम्म धेरै नेपालीसंग भेट्ने आकांक्षा रहेकाे बताइन् । साथै उनले पुर्वनिर्धारित कार्यक्रम स्थलमा समेत सहभागी हुन युएईमा रहेका सम्पूर्ण नेपालीहरुलाई अनुरोध गरेकी छन् ।
