काठमाडौं, चालू आर्थिक वर्षको पहिलो ६ महिनामा व्यापार घाटा १९ प्रतिशतमा सीमित भएको छ । चालू आर्थिक वर्षको पहिलो ६ महिनामा अघिल्लो वर्षको सोही अवधिमा आयात २ खर्ब रूपैयाँभन्दा बढीले घटेको छ भने निर्यात ३८ करोडले घटेको छ ।
भन्सार विभागका अनुसार साउनदेखि पुस मसान्तसम्म नेपालमा ७ खर्ब ९२ अर्ब ६६ करोड ६२ लाख रूपैयाँबराबरको वस्तु आयात भएको छ । आर्थिक वर्ष २०७८र७९ को सो अवधिमा करिब ९ खर्ब ९९ अर्ब ३४ करोड रूपैयाँको आयात भएको थियो ।
यो चालू आवमा गत वर्षको तुलनामा २० प्रतिशतले आयात घटेको छ । चालू आवको पछिल्लो ६ महिनाको अवधिमा आयात मात्रै नभई निर्यात पनि ३२.१ प्रतिशतले घटेको विभागले जारी गरेको तथ्यांकमा उल्लेख छ ।
