काठमाडौं । आठौं संस्करणको आईसीसी महिला टी-ट्वान्टी विश्वकप आज शुक्रबार सुरु हुदैछ ।
दक्षिण अफ्रिकामा आयोजना हुने यस संस्करणको विश्वकपको उद्घाटनको दिन आज एक खेल हुदैछ ।
केपटाउनको न्युल्याण्डस्मा हुने खेलमा समूह ‘ए’ का आयोजक दक्षिण अफ्रिका र श्रीलंका खेल्दै छन् । खेल नेपाली समयअनुसार बेलुका १०ः४५ बजेबाट सुरु हुनेछ ।
दुई देशबीचको पछिल्लो पाँच टी-ट्वान्टी अन्तराष्ट्रियमा दक्षिण अफ्रिका पाँच खेलमा नै अपराजित रहेको छ ।
यस प्रतियोगिता २६ फेब्रुअरीसम्म जारी रहने छ । प्रतियोगितामा १० टोलीको सहभागीता रहेको छ ।
सहभागी १० टोलीलाई ५/५ टोलीको दुई समूहमा बिभाजन गरिएको छ । दुई समूहमा शीर्ष दुई टिम सेमिफाईनल प्रवेश गर्ने छन् ।
समूह ‘ए’ मा आयोजक दक्षिण अफ्रिका,साबिक बिजेता अष्ट्रेलिया,श्रीलंका,बंगलादेश र न्युजिल्याण्ड रहेका छन् ।
समूह ‘बी’ मा दुई पुर्व बिजेताहरु इंग्ल्याण्ड र वेस्ट इण्डिज,आयरल्याण्ड,भारत र पाकिस्तान रहेका छन् ।
सम्बन्धित समाचार
लोकप्रिय समाचार
