नयाँ दिल्ली– अन्तरराष्ट्रिय जलवायु परियोजनाका लागि जर्मन विशेष दूत जेनिफर मोर्गनले भारतले नवीकरणीय उर्जा जस्ता विषयमा नेतृत्व लिनु पर्ने बताएकी छन् ।

यस महिनाको अन्तमा जर्मन चान्सलर ओलाफ स्कोल्जको भारत भ्रमण आउनु अघि उनले यस्तो बताएकी हुन् । उनले सञ्चारकर्मीसँग भारत र जर्मनी सँगै मिलेर के के गर्न सक्छौँ भन्ने विषयमा छलफल हुने बताएकी छन् ।

भारतको भ्रमणको क्रममा मोर्गनले कोइला सचिव, ऊर्जा दक्षता ब्यूरो र अन्य, र जी–२० शेर्पालाई भेटिन्। रूस–युक्रेन युद्धले निम्त्याएको संकटको बारेमा बोल्दै मोर्गनले जर्मनीले आफ्नो जीवाश्म ईन्धनको आवश्यकताको लागि एउटा देशमा निर्भर हुने बारे राम्रो पाठ सिकेको बताइन् ।

जर्मनीले रुसबाट तेल आयात बन्द गर्ने निर्णय गरेको छ । मोर्गनले भारतीय अधिकारीहरुसँगको कुराकानीमा उनीहरुले नवीकरणीय उर्जा समाधानको महत्वका बारेमा छलफल गरेको बताइन्।