नयाँ दिल्ली, भारते, मार्च ४,एएनआई, विदेश राज्यमन्त्री मीनाकाशी लेखीले शनिबार चलिरहेको ८ औं रायसिना संवादमा भूराजनीति परिवर्तनको सन्दर्भमा बहुपक्षीयताको महत्त्वलाई हाइलाइट गरेकी हुन् ।  भारतले बहुपक्षीय सुधारको दिशामा काम गर्नेछ भन्दै मन्त्री लेखीले सामाजिक व्यवस्था कायम राख्ने हितमा द्वन्द्व समाधान गर्ने र त्यसलाई पहिलो स्थानमा हुन नदिने एउटा राम्रो पद्धति छ बताएकी हुन् ।

भारत आवाजविहीनहरूको आवाज हो र यसकारण पनि भारतले बहुपक्षीयतामा सुधारलाई अगाडि बढाउनु पर्छ किनभने यसको वर्तमान स्वरूपमा, यसले मुख्य मुद्दाहरूलाई सम्बोधन गर्न असफल भएको मन्त्रीले बताइन। भारत भौतिक र प्रतीकात्मक दुवै रूपमा सबै अनिश्चितताहरू बीच पुलको रूपमा काम गर्न सही रूपमा तयार छ।

भारत कम चुनौतिहरू भएकाले नभई चुनौतीहरूको बावजुद पनि अडिग अवस्थित छ मन्त्रीको धारणा थियो । हरेकपल्ट ब्यबस्था र नितिको खलल भएको बेला भारतमा प्रकृतिले नै सिस्टम सच्याउन कोही पठाउने गरेको मन्त्रीले बताइन । उनले विश्वलाई ग्लोबल नर्थ र ग्लोबल साउथमा बाँडिएको तर भारतको स्थिति सामान्यतया यी दुईबीचको पुलको रूपमा रहेको बताइन् । ग्लोबल साउथ विकासोन्मुख देशहरूका लागि एउटा अवसर हो।

एकात्म मनववाद भारतीय मूल्यहरूको केन्द्रबिन्दु हो। संसारको जुनसुकै भागमा द्वन्द्व सुरु भए पनि त्यसले बिश्वभरि नै प्रभाव पार्ने भएकाले शान्तिको पैरवी जरुरी रहेको मन्त्री लेखीले बताइन ।