काठमाडौं । युरोकप छनोट अन्तर्गत आफ्नो दोस्रो खेलमा इंग्ल्यान्डले युक्रेनलाई हराएको छ ।
आइतबार राति वेम्बलीमा इंग्ल्यान्डले युक्रेनलाई २-० गोल अन्तरले हराएको हो ।इंग्ल्यान्डको जितमा ह्यारी केन र बुकायो साकाले एक एक गोल गरे ।
खेलको ३७ औं मिनेटमा केनले गोल गर्दै इंग्ल्यान्डलाई सुरुआती अग्रता दिलाएका थिए ।
त्यसपछि खेलको ४० औं मिनेटमा साकाले गोल गर्दै इंग्ल्यान्डलाई २-० को जित दिलाए ।
छनोटमा इंग्ल्यान्डको यो लगातार दोस्रो जित हो । जितसँगै इंग्ल्यान्डले २ खेलमा ६ अंक जोडेको छ ।
इंग्ल्यान्ड समूह सी को शीर्ष स्थानमा रहेको छ । युक्रेनले हारबाट छनोटको सुरुआत गरेको छ ।
सम्बन्धित समाचार
लोकप्रिय समाचार
