काठमाडौं – नेकपा एकीकृत समाजवादीले तीन मन्त्रालयमा अडान कायम नै राखेको छ । पार्टी कार्यालयमा बुधबार दिउँसो बसेको सचिवालय बैठकपछि प्रवक्ता जगन्नाथ खतिवडाले तीन वटा मन्त्रालय नपाए सरकारमा नजाने बताए ।
उनले भने, ‘हामीले भनेझैं तीन मन्त्रालय पाइसकेका छैनौँ । मन्त्रालयको पनि टुंगो लागेको छैन । हामी कुनै पनि बेलामा निर्णय गर्नेगरी प्रधानमन्त्रीको उत्तरको पर्खाइमा छौं ।’
उनले अहिले आफूहरु एक नभएर तीन जना मन्त्रीको नाम दिन तयार भएर बसेको बताए ।
