बिराटनगर । विराट गोल्डकप फुटबलको उपाधिका लागि विराटनगर सिटी र भारत केरलाको लुका सकर क्लब र भिड्ने भएका छन्। विराटनगरस्थित सहिद रंगशालामा बिहीबार हुने फाइनल खेलमा घरेलु टोली विराटनगर सिटी र पाहुना टोली लुका आमुनेसामुने हुनेछन् ।

खेल सहिद रङ्गशालामा बिहीबार साँझ ६ः४५ बजे हुनेछ । विराटनगरले पूर्वविजेता नेपाल पुलिस र जावलाखेललाई पन्छाउँदै फाइनल यात्रा तय गरेको हो भने केरलाले सङ्कटा क्लब र साविक विजेता एपीएफलाई टाईब्रेकरमा ४–२ गोलले हराएर फाइनलमा पुगेको हो ।

मोफसलको सर्वाधिक राशी पुरस्कारको सो खेलका विजेताले २० लाख १५ र उपविजेता १० लाख १५ हजार रुपैयाँ नगद प्राप्त गर्नेछन्। यसैगरी, प्रशिक्षक, गोलकिपर, मिडफिल्डर, डिफेन्स, फरवार्ड, सर्वाधिक गोलकर्ता, व्यवस्थापक र फेयर प्ले अवार्ड सबैलाई जनही २५÷२५ हजार रुपैयाँ पुरस्कार दिईने आयोजकले जनाएको छ । खेल गत चैत ९ गते देखी सुरु भएको हो ।