काबुल– अफगानिस्तान विश्व जनसंख्या समीक्षा (डब्लुपीआर)को प्रतिवेदन अनुसार २०२३ मा सबैभन्दा धेरै अपराध हुने देशको सूचीमा चौथो स्थानमा रहेको स्थानीय खामा प्रेसले उल्लेख गरेको छ । अफगानिस्तानमा प्रत्येक १ लाख मानिसहरूमा ७६ भन्दा बढी अपराधहरू हुने गरेका छन् ।
अपराधमा भ्रष्टाचार, हत्या, लागूऔषध ओसारपसार, अपहरण र मनी लान्ड्रिङ सहित विभिन्न रूपहरू उल्लेख भएको छ । सन् २०२० मा अफगानिस्तानले विश्वभर खपत हुने अवैध अफिमको ८५ प्रतिशत उपलब्ध गराएको प्रतिवेदनले दाबी गरेको छ।
तालिबानले २०२१ मा देशलाई पुन नियन्त्रण लिएपछि अफिम उद्योग फस्टाएको छ । प्रतिवेदनले देशमा उच्च बेरोजगारी दरका कारण अन्य प्रकारका अपराधहरू लुटपाट र आक्रमण हुनसक्ने बताएको छ।
भेनेजुएला, पपुवा न्युगिनी र दक्षिण अफ्रिका क्रमशः पहिलो, दोस्रो र तेस्रो उच्च अपराध दर भएका देशहरूमा रहेका छन् ।
