काठमाडौं । सहिद स्मारक ‘ए’ डिभिजन लिग फुटबल अन्तर्गत आज शनिबार तीन खेलहरु हुँदैछन् ।
लिगको १३ औं चरण अन्तर्गत शनिबार तीन खेलहरु हुनेछन् । जसमा दुई खेल दशरथ रंगशाला र एक खेल च्यासल मैदानमा हुनेछ ।
त्रिपुरेश्वरस्थित दशरथ रंगशालामा हुने खेलमा हिमालयन शेर्पा क्लब र त्रिभुवन आर्मी क्लबबीच प्रतिस्पर्धा हुनेछ । हिमालयन र आर्मीबीचको खेल दिउँसो ३ बजे सुरु हुनेछ ।
हिमालयन आज चौंथो जितको योजनामा हुनेछ । हिमालयन १२ खेलमा १३ अंक जोडेर १३ औं स्थानमा रहेको छ ।
आर्मी छैटौं जितको खोजीमा हुनेछ । आर्मी १२ खेलमा १९ अंक जोडेर चौंथो स्थानमा रहेको छ ।
यस्तै रंगशालामा हुने दोस्रो खेलमा चर्च ब्वाइज युनाईटेड र मनाङ मर्स्याङ्दी क्लबबीच प्रतिस्पर्धा हुनेछ । चर्च ब्वाइज र मनाङबीचको खेल साँझ ६ बजे सुरु हुनेछ ।
चर्च ब्वाइज पाँचौं जित निकाल्न चाहन्छ । चर्च ब्वाइज १२ खेलमा १८ अंक जोडेर पाँचौं स्थानमा रहेको छ ।
मनाङ पनि पाँचौं जितको योजनामा हुनेछ । मनाङ १२ खेलमा १५ अंक जोडेर नवौं स्थानमा रहेको छ ।
च्यासल मैदानमा संकटा क्लब र जावलाखेल युथ क्लबबीच प्रतिस्पर्धा हुनेछ । संकटा र जावलाखेलबीचको खेल दिउँसो ३ बजे सुरु हुनेछ ।
संकटा आज पाँचौं जितको खोजीमा रहेको छ । संकटा १२ खेलमा १५ अंक जोडेर ११ औं स्थानमा रहेको छ ।
जावलाखेल आठौं जित निकाल्न चाहन्छ । जावलाखेल १२ खेलमा २३ अंक जोडेर शीर्ष स्थानमा रहेको छ ।
सम्बन्धित समाचार
लोकप्रिय समाचार
