काठमाडौँ । नेकपा एमालेका महासचिव शंकर पोखरेलले मुलुकलाई आर्थिक संकटबाट जोगाउन उत्पादनशील क्षेत्रलाई प्रोत्साहित गर्नुपर्ने बताएका छन् । उत्पादनशील क्षेत्रको विकासबाट नै रोजगारीका अवसरहरु सिर्जना हुने र राष्ट्रिय अर्थतन्त्र बलियो बन्न सक्ने उनको भनाइ छ ।
‘साँच्चै मुलुकलाई आर्थिक संकटबाट जोगाउने हो भने आयतमुखी नीति र भन्सारका दररेटलाई बदलेर उत्पादनशील क्षेत्रलाई प्रोत्साहित गर्नु पर्दछ’, उनले सामाजिक सञ्जालमार्फत भनेका छन्, उत्पादनशील क्षेत्रको विकासवाट नै रोजगारीका अवसरहरु सिर्जना हुन्छन् र राष्ट्रिय अर्थतन्त्र बलियो बन्न पुग्दछ ।’
आर्थिक संकटको समयमा केही व्यापारिक घरनाको सम्पत्ति अस्वभाविक रुपमा बढ्ने र आम जनता आर्थिक मन्दीको शिकार हुनुको कारण नीतिगत बिचलन भएको उनको भनाइ छ ।
