काठमाडौं । नेपाली राष्ट्रिय महिला फुटबल टिमका फरवार्ड सावित्रा भण्डारी हिरो इन्डियन वुमन्स लिगको सर्वाधिक गोलकर्ता बनेकी छन् ।
गोकुलम केरेलाबाट प्रतियोगिता खेलेकी सावित्राले सर्वाधिक गोलकर्ताको उपाधि जितेकी हुन् ।
सावित्राले एक लाख भारु प्राप्त गरिन् । सावित्राले प्रतियोगिता भर ३० गोल गरेकी थिइन् । सावित्राले फाइनलमा समेत एक गोल गरिन् ।
उनकै एक गोल र दुई असिस्टका आधारमा टिम च्याम्पियन बनेको हो ।
आइतबार भएको फाइनलमा किकस्टार्ट एफसीलाई ५-० गोल अन्तरले हराउँदै गोकुलम च्याम्पियन बनेको छ ।
गोकुलमले लगातार तेस्रो पटक उपाधि जितेको हो । किकस्टार्टमा नेपाली राष्ट्रिय टोलीका दुई सदस्य सरु लिम्बु र रेनुका नगरकोटी आबद्द थिइन् ।
सम्बन्धित समाचार
लोकप्रिय समाचार
