काबुल— अफगानिस्तानको हेलमान्ड प्रान्तको लस्करगाह सहरका धेरै बासिन्दाहरूका विभिन्न रोगबाट ग्रसित भएका छन्।
सुरक्षित पिउने पानीमा अभाव र दूषित पानीको प्रयोगको कारण उनीहरुमा स्वास्थ्य समस्या देखिएको टोलो न्यूजले समाचार लेखेको छ ।
लश्करगाहका अधिकांश भागमा इनारले पानी प्रदूषित भएको स्थानीयले बताएका छन् ।
लश्करगाहका निवासी मोहिबुल्लाहले उनलाई मृगौला रोग दूषित पानी खानाले भएको चिकित्सकले पत्ता लगाएको बताए ।
लश्करगाहमा योजनाविहीन सेप्टिक इनारको निरन्तर निर्माणले यस क्षेत्रको जलस्रोतमा नोक्सान पु-याएको भन्दै अन्य सहरवासीले आलोचना गरेका छन् ।
इनारहरूमा अस्वस्थ पानी जम्मा भएको लश्करगाहका निवासी अजिजुल्लाहले भने। वर्षौंदेखिको द्वन्द्व, गरिबी र टुक्रिएको र चन्दामा आधारित अर्थतन्त्रले आम जनतालाई तीव्र भोक र खाद्यान्न अभाव भोग्न बाध्य बनाएको छ । द्वन्द्वग्रस्त देशका जनताले दुःखी जीवन बिताइरहेका छन् । २०२१ मा अफगानिस्तानमा तालिबान सत्तामा फर्किएदेखि, लाखौं मानिसहरूलाई भोकमरीको मारमा परेका छन् ।
