काठमाडौं । सहिद स्मारक ‘ए’ डिभिजन लिग फुटबल अन्तर्गत आज सोमबार दुई खेलहरु हुँदैछन् ।
दोस्रो लेगको नवौं चरण अन्तर्गत सोमबार दुई खेलहरु हुनेछन् । दुबै खेल त्रिपुरेश्वरस्थित दशरथ रंगशालामा हुनेछ ।
पहिलो खेलमा एफसी खुमलटार र हिमालयन शेर्पा क्लबबीच प्रतिस्पर्धा हुनेछ । खुमलटार र हिमालयनबीचको खेल दिउँसो ३ बजे सुरु हुनेछ ।
खुमलटार आज सातौं जितको योजनामा हुनेछ । खुमलटार २१ खेलमा २१ अंक जोडेर पुछारमा रहेको छ ।
हिमालयन आठौं जितको खोजीमा हुनेछ । हिमालयन २१ खेलमा २९ अंक जोडेर सातौं स्थानमा रहेको छ ।
यस्तै दोस्रो खेलमा नेपाल पुलिस क्लब र फ्रेन्ड्स क्लबबीच प्रतिस्पर्धा हुनेछ । दुई टोलीबीचको खेल साँझ ६ बजे सुरु हुनेछ।
पुलिस नवौं जितको खोजीमा हुनेछ । पुलिस २१ खेलमा २८ अंक जोडेर नवौं स्थानमा रहेको छ ।
फ्रेन्ड्स सातौं जित निकाल्न चाहन्छ । फ्रेन्ड्स २१ खेलमा २४ अंक जोडेर १३ औं स्थानमा रहेको छ ।
सम्बन्धित समाचार
लोकप्रिय समाचार
