काठमाडौं । स्पेनिस क्लब सेभियाले युरोपा लिगको उपाधि जितेको छ । बुधबार राति भएको फाइनलमा इटालियन क्लब रोमालाई पेनाल्टी सुटआउटमा ४-१ ले हराउँदै सेभिया च्याम्पियन बनेको हो ।
सेभियाले कीर्तिमानी सातौं पटक युरोपा लिगको उपाधि जितेको हो । खेलको ३४ औं मिनेटमा पाउलो डिबालाले गोल गर्दै सेभियालाई सुरुआती अग्रता दिलाएका थिए ।
तर, खेलको ५५ औं मिनेटमा रोमाका जियानलुका मान्सिनीले आत्मघाती गोल गरेपछि खेल १-१ गोलको बराबरीमा पुग्यो ।
त्यसपछि खेलको निर्धारित र थप गरिएको समयमा दुबै टोलीबाट गोल भएन र खेलको निर्णय पेनाल्टी सुटआउटबाट गरिएको थियो ।
पेनाल्टीमा सेभियाका गोन्जालो मोन्टिल, इभान राकिटिच, एरिक लामेला र लुकास ओकाम्पुसले गोल गरे ।
रोमाका ब्रायन क्रिस्टान्टेले गोल गरे । रोजर इबानेज र जियानलुका मान्सिनी पेनाल्टीमा चुके ।
सम्बन्धित समाचार
लोकप्रिय समाचार
