काठमाडौं । नेकपा एकीकृतका कार्यवाहक अध्यक्ष राजेन्द्र पाण्डेले भ्रष्टाचार र तस्करीजन्य गतिविधिलाई नियन्त्रण गर्नेगरी राज्य उभिनुपर्ने बताएका छन् ।
पार्टी सचिवालयको बैठकको निर्णय सार्वजनिकपछि सञ्चारकर्मीसँग बोल्दै उनले एक क्वीन्टल सुन तस्करी प्रकरणको छानबिन हुनुपर्ने बताए ।
पाण्डेले भने, ‘सुन काण्डमा सरकारको एउटा अंग कमजोर भएको देखियो । अर्को अंग तत्काल कारबाही गर्न सफल भएको देखियो । यस्ता विषयलाई कारबाही गर्ने सरकारका सबै अंग चुस्त दुरुस्त हुनुपर्छ । सेटिङ बिग्रिएको कारणले बाहिर आएको भन्ने कुराहरु पनि छ । त्यसलाई नियन्त्रण गर्न राज्य उभिनुपर्छ ।’
सरकारले अहिले ठीकै गरिरहेको उल्लेख गर्दै अन्य बहानामा सरकारको प्रयत्नलाई कमजोर पार्ने कुनै पनि बहानालाई राजीनामा माग्ने कुरा स्वीकार्य नभएको महासचिव घनश्याम भुसालले बताए ।
